"Арсенал" бош мураббийи Микель Артета ўз вақтида "Эвертон"да унинг қўл остида тўп сурган Дэвид Мойес ҳақида фикр билдирди. Шанба куни Артета ва Мойес "канонирлар" ва "ирислар" ўртасидаги баҳсда рақиб сифатида тўқнаш келишади.

"Мен жорий мавсумда Мойес ва унинг штаби аъзолари билан бир неча бор гаплашдим. Мойесдан жуда миннатдорман. У менинг фаолиятимни ўзгартириб юборган. У мени "Эвертон"га таклиф қилган ва фаолиятимни, футболчи сифатидаги қиёфамни буткул ўзгартирган. Биз биргаликда кўплаб ажойиб лаҳзаларни бошдан кечирганмиз. Мойес — АПЛ тарихидаги энг буюк мураббийлардан бири. Турли клубларда бундай барқарорликни сақлаб қолиш жуда қийин. Одамлар буни қадрлашлари керак. У ҳам буюк дамларни, ҳам қийин вақтларни бошидан ўтказди, лекин доимо ўзини бир хил тутди", — деди Артета журналистларга.

"Арсенал" ва "Эвертон" ўртасидаги учрашув 14 март куни Тошкент вақти билан 22:30 да бошланади.