"Arsenal" bosh murabbiyi Mikel Arteta o‘z vaqtida "Everton"da uning qo‘l ostida to‘p surgan Devid Moyes haqida fikr bildirdi. Shanba kuni Arteta va Moyes "kanonirlar" va "irislar" o‘rtasidagi bahsda raqib sifatida to‘qnash kelishadi.

"Men joriy mavsumda Moyes va uning shtabi a’zolari bilan bir necha bor gaplashdim. Moyesdan juda minnatdorman. U mening faoliyatimni o‘zgartirib yuborgan. U meni "Everton"ga taklif qilgan va faoliyatimni, futbolchi sifatidagi qiyofamni butkul o‘zgartirgan. Biz birgalikda ko‘plab ajoyib lahzalarni boshdan kechirganmiz. Moyes — APL tarixidagi eng buyuk murabbiylardan biri. Turli klublarda bunday barqarorlikni saqlab qolish juda qiyin. Odamlar buni qadrlashlari kerak. U ham buyuk damlarni, ham qiyin vaqtlarni boshidan o‘tkazdi, lekin doimo o‘zini bir xil tutdi", — dedi Arteta jurnalistlarga.

"Arsenal" va "Everton" o‘rtasidagi uchrashuv 14 mart kuni Toshkent vaqti bilan 22:30 da boshlanadi.