"Манчестер Сити"нинг испаниялик ярим ҳимоячиси Родри яна "Реал" офисидаги мунозаралар марказида қолди. Бу ҳақда Defensa Central нашри ёзмоқда.
Мадридликлар футболчини диққат билан кузатиб боришмоқда. Бироқ ярим ҳимоячининг Чемпионлар лигаси доирасидаги ўйиндаги иштироки Испания гранди раҳбарларини ҳафсаласини пир қилди. Эндиликда "Реал" Родри трансфери борасида шубҳа қилмоқда.
Шунингдек, "қаймоқранглилар"да хавотир уйғотаётган бошқа омиллар ҳам бор. Яқин орада Родри 30 ёшга тўлади ва бу ёш йирик инвестициялар ҳақида гап кетганда, спорт раҳбариятини ўйлантириб қўймоқда.
Бундан ташқари, футболчининг ўтган мавсумда олган тизза жароҳати ҳам "Реал" раҳбарлари томонидан ўтказилаётган таҳлилларда ҳамон ҳисобга олинмоқда. Эслатиб ўтамиз, аввалроқ мадридликлар Чемпионлар лигасида "Манчестер Сити"ни йирик (3:0) ҳисобда мағлуб этган эди.
