"Manchester Siti"ning ispaniyalik yarim himoyachisi Rodri yana "Real" ofisidagi munozaralar markazida qoldi. Bu haqda Defensa Central nashri yozmoqda.
Madridliklar futbolchini diqqat bilan kuzatib borishmoqda. Biroq yarim himoyachining Chempionlar ligasi doirasidagi o‘yindagi ishtiroki Ispaniya grandi rahbarlarini hafsalasini pir qildi. Endilikda "Real" Rodri transferi borasida shubha qilmoqda.
Shuningdek, "qaymoqranglilar"da xavotir uyg‘otayotgan boshqa omillar ham bor. Yaqin orada Rodri 30 yoshga to‘ladi va bu yosh yirik investisiyalar haqida gap ketganda, sport rahbariyatini o‘ylantirib qo‘ymoqda.
Bundan tashqari, futbolchining o‘tgan mavsumda olgan tizza jarohati ham "Real" rahbarlari tomonidan o‘tkazilayotgan tahlillarda hamon hisobga olinmoqda. Eslatib o‘tamiz, avvalroq madridliklar Chempionlar ligasida "Manchester Siti"ni yirik (3:0) hisobda mag‘lub etgan edi.
