"Астон Вилла" бош мураббийи Унаи Эмери "Манчестер Юнайтед" устози Майкл Кэррик ҳақида фикр билдирди.
Якшанба куни Премьер-лиганинг 30-тури доирасида жамоалар "Олд Траффорд" стадионида ўзаро куч синашадилар.
"Ҳар бир мураббийнинг ўз ёндашуви, ўз тарихи бор. Кэррик "Манчестер Юнайтед"да ҳақиқатан ҳам фантастик натижаларни кўрсатмоқда. Мен у билан илк бор бундан беш йил аввал, "Вильярреал"да ишлаб юрган кезларимда, Чемпионлар Лигаси ўйинида тўқнаш келганман. Кэррик "Мидлсбро"да ажойиб ишни амалга оширган эди, энди эса "МЮ"даги вазифаларини ҳам қойилмақом уддаламоқда. Унинг қўл остида ўйинчилар майдонда ўзларини қулай ҳис қилаётгани кўриниб турибди. Жамоа турнир жадвалида юқорига кўтарилмоқда ва борган сари ўз кучига кўпроқ ишонч ҳосил қилмоқда", – деди Эмери матбуот анжуманида.
