Испаниянинг «Эльче» клубида тўп тепаётган португалиялик ҳужумчи Андре Силва ўзининг юлдуз ватандоши Криштиану Роналду ҳақида фикр билдирди.
«Мен учун нафақат унинг маслаҳатлари, балки шахсий намунаси ҳам муҳим. Криштианунинг ишига бўлган муносабати ва менталитети унинг ҳамон энг зўри бўлиб қолишни истаётганини кўрсатади. У доимо ўз устида ишлайди ва ҳар куни ўз маҳоратини исботлашга тайёр», — дея футболчининг сўзларини келтиради Marca газетаси.
41 ёшли тўпурар 2023 йилнинг январидан буён Саудия Арабистонининг «Аль-Наср» клубида фаолият юритмоқда. Томонлар ўртасидаги амалдаги меҳнат шартномаси 2027 йилнинг июнь ойи охирида ниҳоясига етади. Унинг бозор қиймати 12 миллион еврони ташкил этади.
