27 март куни Аргентина ва Испания терма жамоалари «Финалиссима» баҳсини ўтказишлари керак эди. Соврин учун кураш Қатарда бўлиб ўтиши режалаштирилганди, бироқ ҳозирда ушбу минтақада вазият хавфли бўлиб турибди. Ўйинни Мадридда ўтказиш таклиф қилинди, аммо аргентиналиклар буни рад этишди, бу ҳақда яқин кунларда матбуотда фаол ёзилди.
El Chiringuito нашри хабарига кўра, «Финалиссима»ни бекор қилиш тўғрисида қарор қабул қилинган. Яқин соатлар ичида бу ҳақда расмий эълон берилиши кутилмоқда.
Кўриниб турибдики, томонлар ўйин ўтказиладиган жой масаласида бир тўхтамга кела олишмаган. Мадридда ўйин ўтказилиши Испанияга ўз майдонида ўйнаш устунлигини тақдим этиши аниқ эди.
Тафсилотлар билан чиқадиган расмий баёнотни кутиб қоламиз.
