Бир йўла учта топ-клуб 22 ёшли чилилик ҳужумчи Дарио Осорио билан шартнома имзолаш имкониятини кўриб чиқмоқда. Бу ҳақда TEAMtalk нашри хабар бермоқда.
Ҳозирда ҳужумчи Даниянинг «Мидтьюлланн» клуби шарафини ҳимоя қилмоқда. Шунингдек, футболчига нисбатан анча камтаринроқ клублар, хусусан, «Фулхэм» ва «Вест Хэм» ҳам даъвогарлик қилаётгани қайд этилган. Инсайдерларнинг таъкидлашича, Осорио топ-клуб билан шартнома имзолашдан аввал ушбу жамоалардан бирига ўтиши эҳтимоли мавжуд.
Осорио 2023 йилдан бери Данияда тўп тепиб келмоқда. Жорий мавсумда ҳужумчи клуб сафида 36 та ўйинда майдонга тушиб, 6 та гол урди ва 11 та голли узатмани амалга оширди.
