Каталониянинг «Барселона» клуби ярим ҳимоячиси Гави «Севилья»га қарши баҳсда майдонга қайтгани ҳақида фикр билдирди. Футболчи захирадан ўйинга қўшилди, «кўк-анорранглилар» эса 5:2 ҳисобида йирик ғалабани қўлга киритишди.

«Бу сафар [қайтиш] олдингисидан кўра қийинроқ бўлди. Жуда оғриқли жараённи бошдан кечирдим. «Камп Ноу» муҳитини ва мухлисларнинг қўллаб-қувватлашини яна ҳис қилганимдан жуда хурсандман. Эмоцияларимни сўз билан ифодалаб бера олмайман. Мен жуда бахтлиман», — дея ярим ҳимоячининг сўзларини Marca нашри келтирмоқда.

Таъкидлаб ўтиш жоизки, бу Гави учун ўтган йилнинг август ойидан бери ўтказилган илк расмий учрашув бўлди.