TV3 телеканали "Барселона" сосьослари (клуб аъзолари) ўртасида Лионель Мессининг клубга қайтиши борасида сўровнома ўтказди. Ушбу масала кеча бўлиб ўтган "кўк-анорранглилар" президенти сайлови кампанияси доирасида муҳокама қилинди.
Сайловда ғалаба қозонган Жоан Лапорта ва унинг рақиби Виктор Фонт номзодларини қўллаб-қувватлаш ҳақидаги саволлардан ташқари, овоз беришда иштирок этганлардан Месси ҳақида ҳам фикр сўралган.
TV3 сўровномаси натижаларига кўра:
-
10% сўровда қатнашган сосьослар аргентиналик юлдузнинг футболчи сифатида қайтишини истайди.
-
55,5% иштирокчи (кўпчилик) унинг шарафига хайрлашув ўйини ташкил этилишини қўллаб-қувватлаган.
-
28% респондентлар Мессининг фахрий президент этиб тайинланишини афзал кўришини айтган.
-
6% эса унинг қайтишини умуман истамаслигини билдирган.
