Нуфузли футбол инсайдери Фабрицио Романо «ПСЖ»нинг грузиялик вингери Хвича Кварацхелиянинг Лондоннинг «Арсенал» клубига эҳтимолий трансфери ҳақида ўз фикрини билдирди.

«Хвичанинг «Арсенал»га трансфери бўйича саволлар бор. «Канонирлар» уни ёзда сотиб олишлари амримаҳол, чунки «ПСЖ»да грузиялик футболчини «дахлсиз» деб ҳисоблашмоқда. Лондонликлар Кварацхелияни аниқ қўлга кирита олишмайди. Парижликлар бу футболчини жамоада олиб қолишади», — дея инсайдернинг сўзларини келтирмоқда Teamtalk нашри.

Эслатиб ўтамиз, грузиялик вингер ўтган йилнинг январь ойидан бери Франция жамоаси шарафини ҳимоя қилиб келмоқда.

Жорий мавсумда Кварацхелия 35 та учрашувда майдонга тушди. Хвича ўз ҳисобига 11 та гол ва 7 та голли узатмани ёздириб қўйишга муваффақ бўлди.