Ҳужумчи Роберт Левандовскининг "Барселона" билан амалдаги шартномаси муддати тугаб бормоқда. Mundo Deportivo нашри хабарига кўра, польшалик футболчининг асосий мақсади Каталония клубидаги фаолиятини давом эттириш ҳисобланади.
Манба берган маълумотларга кўра, Левандовски шартномани узайтириш йўлида маошининг камайтирилишига ва ҳатто жамоада иккинчи даражали ролни ижро этишга ҳам рози.
Шу билан бирга, футболчининг агенти Пини Захави ҳозирча 37 ёшли Левандовскининг келажаги борасида "Барселона" билан музокаралар олиб бормагани қайд этилган.
Маълумот учун, Роберт Левандовски "Барселона" сафида жами 182 та ўйинда майдонга тушиб, 115 та гол урди ва 23 та голли узатмани амалга оширди.
