Лондоннинг «Арсенал» клуби бош мураббийи Микель Артета Чемпионлар лигасининг 1/4 финалида тўқнаш келадиган рақиби — Лиссабоннинг «Спортинг» жамоаси ҳақида ўз фикрларини билдирди.

«Канонирлар» 1/8 финал босқичида Леверкузеннинг «Байер» жамоасини жавоб учрашувидаги ғалаба (2:0) эвазига умумий 3:1 ҳисобида мағлуб этишди. Бир неча соат олдин эса «Спортинг» Норвегиянинг «Будё-Глимт» клубига қарши баҳсда дастлабки ўйиндаги 0:3 ҳисобидаги мағлубиятдан сўнг ўз уйида 5:0 ҳисобида ғалаба қозониб, грандиоз камбэкни амалга оширган эди.

«Спортнинг» билан аввалги учрашувимизга [2024 йил ноябридаги 5:1 ҳисобидаги ғалаба] қиёслаганда, бизни мутлақо бошқача ўйин кутмоқда. Мен уларнинг ўйинидаги биринчи бўлимни томоша қилдим — бу юқори даражадаги жамоа. Бизга жуда қийин бўлади», — деди Артета матбуот анжуманида.

Чемпионлар лигасининг чорак финал ўйинлари 7-8 ва 14-15 апрель кунларига режалаштирилган.