35 ёшли ярим ҳимоячи Киран Триппьер ўз келажаги борасида тўхталиб ўтди. «Ньюкасл» билан шартномаси шу ёзда якунига етадиган футболчи 18 март куни бўлиб ўтадиган Чемпионлар лигаси доирасидаги «Барселона»га қарши ўйин олдидан матбуот анжуманида журналистлар билан мулоқот қилди.

Жамоада қолишни истайсизми, деган саволга Триппьер аниқ жавоб беришдан қочди.

«Мен бу ҳақда ўйлаётганим йўқ, ҳозир хаёлим эртанги ўйинда. Яқин бир-икки ҳафта ичида мураббий билан, албатта, гаплашиб оламиз. Лекин ҳозирча келинг, эртанги кун масаласини ҳал қилайлик. Яхши ўйин кўрсатайлик ва бор эътиборимизни нафақат ўзимизга, балки жамоага қаратайлик», — дея футболчининг сўзларини келтиради Newcastle World.

«Менимча, ҳозирги кунда тўғри овқатланиш, илмий ёндашув ва ўзингизга бўлган эътибор туфайли ёш — бу шунчаки рақам. Шахсан мен ўзимни яхши ҳис қиляпман ва ажойиб спорт формасидаман», — дея қўшимча қилди Триппьер.

Жорий мавсумда у клуб миқёсида 32 та ўйинда майдонга тушиб, 4 та голли узатмани амалга оширди ва 4 та сариқ карточка олди.