«Реал» «Манчестер Сити»ни икки бор мағлуб этиб (ўз уйида 3:0, сафарда 2:1), Чемпионлар лигасининг чорак финалига йўл олди. Жавоб ўйинидан сўнг Мадрид жамоасининг юлдуз ҳужумчиси Килиан Мбаппе ижтимоий тармоқларда пост қолдирди.
«Чорак финалда кўришгунча. Хала Мадрид!» — деб ёзди Мбаппе.
«Манчестер Сити»га қарши кечган сафар ўйинида Килиан Мбаппе захирадан майдонга тушди ва 21 дақиқа (+ ҳакам томонидан қўшиб берилган вақт) ҳаракат қилди. Бунгача франциялик юлдуз тиззасидаги муаммо сабабли охирги бешта ўйинни ўтказиб юборган эди.
Катта эҳтимол билан, «Реал» Чемпионлар лигаси чорак финалида «Бавария»га қарши ўйнайди. Мюнхенликлар 1/8 финалнинг «Аталанта»га қарши дастлабки баҳсида сафарда 6:1 ҳисобида ғалаба қозонишган эди.
«Реал» навбатдаги ўйинини якшанба куни, 22 мартда Ла Лига доирасида «Атлетико»га қарши ўтказади.
