«Барселона» кетма-кет учинчи йил Чемпионлар лигасининг энг кучли саккиз жамоаси қаторидан жой олди.
Бугун «блауграна» 1/8 финал доирасида «Ньюкасл»ни 7:2 ҳисобида тор-мор этди. Шу тариқа, каталонияликлар сўнгги уч мавсумнинг ҳар бирида турнирнинг чорак финалига қадар етиб келишди. Таққослаш учун, бундан олдинги уч йилликда «Барселона» икки бор гуруҳ босқичида, бир марта эса 1/8 финалда мусобақани тарк этган эди.
Жорий мавсумнинг чорак финалида жамоа «Атлетико» ёки «Тоттенхэм» жуфтлиги ғолиби билан тўқнаш келади.
