Эрон аёллар терма жамоаси футболчилари Австралияда ўтган турнирдан сўнг ўз ватанларига қайтишди.
Эслатиб ўтамиз, аввалроқ Эрон аёллар терма жамоасининг олти нафар ўйинчиси ва бир нафар ходими аёллар ўртасидаги Осиё Кубоги якунланганидан кейин Австралиядан бошпана сўраган ва гуманитар визалар олган эди. Кейинчалик улардан беш нафари ватанга қайтишга қарор қилди.
Жамоанинг асосий қисми сешанба куни Истанбулга учиб келди, бугун эрталаб эса Туркия шарқидаги Иғдир шаҳрига йўл олди. У ерда футболчи қизлар автобусга ўтириб, Эрон билан чегарани кесиб ўтишди. Улардан бири жўнаб кетиш олдидан телекамерага қараб табассум қилди ва қўл силкиб қўйди.
