«Бавария» ҳужумчиси Харри Кейн Чемпионлар лигаси 1/8 финалидан ўрин олган «Аталанта»га қарши жавоб ўйинининг (4:1) энг яхши футболчиси деб эътироф этилди. Инглиз форварди ушбу баҳсда дублни расмийлаштирди.
«Бу Кейн томонидан кўрсатилган ҳақиқий сардорлик намойиши бўлди: у ҳужумга ажойиб тарзда бошчилик қилди, дастлабки иккита голни урди ва доимий равишда ўйинда фаол иштирок этди», — дея таъкидлади УЕФА техник кузатувчилари гуруҳи.
Дастлабки учрашувда «Бавария» 6:1 ҳисобида ғалаба қозонган эди. Шу тариқа, икки ўйин натижасига кўра мюнхенликлар Чемпионлар лигасининг чорак финалига йўл олди ва у ерда «Реал» билан тўқнашадиган бўлди.
