Лондоннинг «Арсенал» клуби собиқ ҳимоячиси Бакари Санья замонавий технологияларни ўзлаштирмоқда ва бу борада анча муваффақият қозонмоқда. У Ladisfaction деб номланган платформага сармоя киритди. Агар сиз буни гўзал хонимларни қидириш сервиси деб ўйлаётган бўлсангиз, адашасиз. Аслида, ушбу платформа ёш ўйинчиларга профессионал клублар билан алоқа ўрнатишни осонлаштиришга ёрдам беради.
«Мен ўзларини кўрсата олмаган кўплаб иқтидорли йигитларни кўрганман, чунки уларни ҳеч ким пайқамаган. Мен ушбу лойиҳа устида беш йилдан бери ишлаяпман. Бу менга футбол оламида қолишга ёрдам беради, лекин ортиқча диққат-эътибор ва матбуот шов-шувларисиз», — деди Санья.
Санья футболчилик фаолиятини 2019 йилда якунлаган эди.
