«Ливерпуль» ярим ҳимоячиси Доминик Собослаи ўзининг клуб афсонаси Стивен Жеррард билан солиштирилиши борасида ўз фикрларини билдирди.
«Бу жуда ёқимли ўхшатиш. Болалигимда унинг ўйинларини томоша қилардим, энди эса ўзим саккизинчи рақам остида майдонга тушяпман. Бу ақл бовар қилмас туйғу ва ўйлайманки, бу барчамизни илҳомлантиради. Ушбу клубда ўйнаётганимдан бахтиёрман», — дея Собослаининг сўзларини журналист Фабрицио Романо келтирмоқда.
Эслатиб ўтамиз, Собослаи 2023 йилдан бери «Ливерпуль» шарафини ҳимоя қилиб келмоқда. Жорий мавсумда 25 ёшли ярим ҳимоячи барча мусобақаларда жами 42 та ўйинда иштирок этди. У рақиблар дарвозасини 12 бор ишғол қилиб, ўз ҳисобига саккизта голли узатмани ёздириб қўйди.
