Франция терма жамоаси ва «Челси» собиқ ярим ҳимоячиси Эммануэль Пети журналист Даниэль Риолонинг «ПСЖ» Чемпионлар лигаси чорак финалида «Ливерпуль» тўсиғидан қийинчиликсиз ўтади, деган фикрига қўшилмади.

Бундан аввалроқ парижликлар 1/8 финалнинг икки ўйинида «Челси»ни тор-мор этган эди (5:2, 3:0). Шундан сўнг Риоло: «ПСЖ» ўтган йилгидан кучлироқ, «Ливерпуль» эса кучсизроқ», — деб баёнот берганди.

«Мен бу қадар қатъий фикрда эмасман. Тўғри, «ПСЖ» «Челси»га қарши ўйинларда ишониб бўлмас даражада устунлик кўрсатди, аммо ҳали ишлаш керак бўлган жиҳатлар бор.

Энг аввало, менга «биз атиги уч ҳафта ичида янги «Пари Сен-Жермен»ни кашф қилдик», деб айтманг. Жорий мавсумда Чемпионлар лигасида кўрганларимиздан келиб чиқиб, мен ҳар қандай тахминлардан ўзимни тийиб тураман», — деди Пети After Foot кўрсатувида.