«Ньюкасл» ярим ҳимоячи Бруно Гимараэснинг трансфери бўйича «Манчестер Юнайтед»га ён босмайди.
«Қизил иблислар» бразилиялик футболчига асосий даъвогарлардан бири ҳисобланади, бироқ ўйинчининг нархи жиддий муаммога айланиши мумкин. ESPN нашрининг хабарига кўра, «қарғалар» фақат манкунианликлар 75–80 млн евро таклиф қилган тақдирдагина сотувга розилик беришади. Ҳозирги вақтда томонлар келишувга эришишдан анча йироқ.
Машҳур Transfermarkt портали Бруно Гимараэснинг қийматини 75 млн еврога баҳоламоқда. Аввалроқ, агар жамоа Чемпионлар лигасига йўлланма ололмаса, 28 ёшли футболчи мавсумлар оралиғида «Ньюкасл»ни тарк этиши мумкинлиги ҳақида хабар берилган эди.
