Лондоннинг «Арсенал» клуби дарвозабони Давид Райя айни дамда дунёнинг энг яхши посбони ким эканлигини айтди.
30 ёшли испаниялик футболчи Мадриднинг «Реал» клуби аъзоси Тибо Куртуани алоҳида эътироф этди.
«Куртуа — дунёдаги энг яхши дарвозабон. У «Реал» сафида доимо ўзининг энг яхши фазилатларини намойиш этади — худди яқинда «Манчестер Сити»га қарши ўйинда бўлгани каби. У жуда ишончли», — деди Райя Sky Sports билан суҳбатда.
«Реал» Чемпионлар лигасининг 1/4 финалига йўл олди ва у ерда «Бавария»га қарши ўйнайди, бироқ Тибо Куртуа жароҳати сабабли чорак финал баҳсларида иштирок этмайди. Давид Райя эса «Арсенал» таркибида турнирнинг худди шу босқичида Лиссабоннинг «Спортинг» жамоасига қарши баҳс олиб боради.
