Мадриднинг «Реал» клубига тегишли бўлган украиналик дарвозабон Андрей Лунинда Италия А Сериясига кўчиб ўтиш варианти пайдо бўлди.
Gazzetta dello Sport журналистларининг маълумотларига кўра, Миланнинг «Интер» клуби дарвозабон хизматларига қизиқиш билдирмоқда. Посбоннинг бозор қиймати 15 миллион еврога баҳоланмоқда, унинг «қироллик клуби» билан шартномаси эса 2030 йилнинг ёзида ниҳоясига етади.
Жорий мавсумда украиналик футболчи мадридликлар сафида бор-йўғи тўртта учрашув ўтказди. Андрей ўз дарвозасидан саккизта тўп олиб чиқди ва бир бор дарвозаси дахлсизлигини сақлаб қолди. Тибо Куртуанинг жароҳати сабабли украиналик посбон яқин орадаги баҳсларда «қироллик клуби» дарвозасини қўриқлайди.
