Ёзги трансфер ойнасида «Ливерпуль» сафини бир йўла олти нафар футболчи тарк этиши мумкин. Бу ҳақда Teamtalk портали журналистлари хабар бермоқда.
Манбага кўра, Мерсисайдликлар ҳужумчилар Муҳаммад Салоҳ ва Федерико Кьеза, ярим ҳимоячи Кёртис Жонс, шунингдек, ҳимоячилар Эндрю Робертсон, Ибраима Конате ва Жо Гомес билан хайрлашиши мумкин. Англия премьер-лигаси турнир жадвалида «Ливерпуль» 49 очко билан бешинчи ўринни эгаллаб турибди.
УЕФА Чемпионлар лигасида Арне Слот шогирдлари чорак финалга йўл олишди ва у ерда Франциянинг «ПСЖ» жамоаси билан куч синашади.
