«Атлетико» ҳужумчиси Хулиан Альварес Англияга қайтиши мумкин. Бу ҳақда TEAMtalk нашри хабар бермоқда.
Маълум қилинишича, «Арсенал» ва «Челси» скаутлари Чемпионлар лигаси доирасидаги «Атлетико» ва «Тоттенхэм» учрашувига ташриф буюриб, аргентиналик футболчининг ўйинини бевосита кузатишган. Ушбу баҳс «Тоттенхэм»нинг 3:2 ҳисобидаги ғалабаси билан якунланган бўлса-да, икки ўйин натижасига кўра Испания жамоаси кейинги босқичга йўл олди.
Манбанинг таъкидлашича, Альварес аллақачон «Атлетико» раҳбариятига трансферга тайёрлигини маълум қилган, бироқ у кўпроқ «Барселона»га ўтишни истамоқда. Эслатиб ўтамиз, ҳужумчи аввалроқ Англияда «Манчестер Сити» шарафини ҳимоя қилган эди.
