Франция чемпионатининг 11 апрелга белгиланган «ПСЖ» ва «Ланс» жамоалари ўртасидаги учрашуви парижликларнинг Чемпионлар лигасидаги иштироки туфайли бошқа муддатга кўчирилиши мумкин. Луис Энрике шогирдлари мусобақанинг чорак финали доирасида 8 ва 14 апрель кунлари «Ливерпуль»га қарши майдонга тушади.
Бундан аввал ҳам «ПСЖ» еврокубокларга яхшироқ тайёргарлик кўриши учун «Нант» билан ўйин санаси сурилган эди.
«Ланс» бош мураббийи Пьер Саж ўйиннинг яна қолдирилишига қатъиян қарши чиқди. Унинг таъкидлашича, жамоа бир нечта турнирда иштирок этаётган бўлса-да, жадвал бўйича ўйнаши керак ва ҳеч қандай имтиёзларга эга бўлмаслиги лозим, деб хабар бермоқда GFFN.
«Анже» устидан қозонилган ғалабадан сўнг «Ланс» 59 очко билан биринчи ўринга кўтарилиб олди, бироқ «ПСЖ»да (57 очко) захирада иккита ўйин мавжуд.
