Англиянинг «Ливерпуль» топ-клуби бош мураббийи Арне Слот жамоанинг швециялик ҳужумчиси Александр Исакнинг оғир жароҳатдан кейинги тикланиш жараёни ҳақида тўхталиб ўтди.
«Александр Исак "Пари Сен-Жермен"га қарши ўйнаш учун ўз вақтида сафга қайтади. Мен 100 фоиз аминманки, мухлислар келгуси мавсумда унинг энг яхши ўйинини кўришади. Биз эса жорий мавсумдаёқ унинг энг яхши формасига яқин ёки энг юқори даражадаги ўйинини кўриш учун ҳаракат қилмоқдамиз».
Эслатиб ўтамиз, Исак ўтган йилнинг ёзида мерсисайдликлар сафига келиб қўшилган эди. Жорий мавсумда швециялик футболчи клуб учун 16 та учрашувда 781 дақиқа ҳаракат қилди ва ўз ҳисобига 3 та гол ҳамда 1 та голли узатмани ёздириб қўйди.
