«Манчестер Сити» бош мураббийи Хосеп Гвардиола «Арсенал»га қарши бўлиб ўтадиган Лига Кубоги финалининг аҳамияти ҳақида гапирди.
Учрашув бугун бўлиб ўтади, ўйиннинг бошланиши Тошкент вақти билан 21:30 га белгиланган.
«Ҳаммаси нима билан тугашини билмайман, лекин бу мавсум ҳар қандай ҳолатда ҳам таҳсинга лойиқ. Албатта, агар мавсумнинг муваффақияти қўлга киритилган совринлар сони билан ўлчанадиган бўлса, унда улар бизга керак. Бироқ ўтган мавсумда биз Англия Суперкубогини ютгандик ва Англия Кубоги финалигача етиб боргандик», – дея журналист Фабрицио Романо Гвардиоланинг сўзларидан иқтибос келтирмоқда.
Премьер-лигада «шаҳарликлар» битта захира ўйини билан «Арсенал»дан тўққиз очко ортда қолган ҳолда иккинчи ўринда бормоқдалар.
