«Челси» футболчиси Андрей Сантос Миланнинг «Интер» клуби учун асосий трансфер мақсадларидан бири бўлиб турибди.
«Нерадзуррилар»нинг 21 ёшли футболчига бўлган қизиқиши аввал ҳам қайд этилган эди. Журналист Жанлука Лонгари берган маълумотларга кўра, А Серия гранди бразилиялик футболчини қўлга киритиш истагини ҳамон сақлаб қолмоқда ва келаётган ёзда трансфер борасида ҳаракат қилиши мумкин.
Андрей Сантоснинг «Челси»даги келажаги ҳозирча ноаниқ бўлиб қолмоқда. Аввалроқ ўйинчига даъвогарлар қаторида «Ювентус» клуби ҳам тилга олинган эди. Transfermarkt портали ярим ҳимоячининг бозор қийматини 45 млн еврога баҳоламоқда, унинг Лондон клуби билан амалдаги шартномаси эса 2030 йилнинг ўрталарига қадар мўлжалланган.
