Англия чемпионатининг 31-тур учрашувлари бўлиб ўтди. Унда «Брайтон» етакчиси Данни Уэлбек алоҳида ажралиб турди — у «Ливерпуль» дарвозасига иккита гол уриб, «чайкалар»нинг ғалабасини таъминлади.
Эндиликда тажрибали ҳужумчи нафақат Англия олий лигасидаги шахсий сермаҳсуллик рекордини янгилади, балки АПЛ тарихида 35 ёшдан ошган ҳолда бир мавсумда 10 ва ундан ортиқ гол урган учинчи футболчига айланди.
Ушбу ноёб натижани қайд этган аввалги футболчилар:
-
Гари Макаллистер (1999/2000 мавсум) — мавсум давомида 11 та гол уришга муваффақ бўлган.
-
Златан Ибраҳимович (2016/2017 мавсум) — бу борадаги энг яхши кўрсаткич соҳиби. Швециялик юлдуз ўшанда рақиблар дарвозасини 17 бор ишғол қилган эди.
