Angliya chempionatining 31-tur uchrashuvlari bo‘lib o‘tdi. Unda «Brayton» etakchisi Danni Uelbek alohida ajralib turdi — u «Liverpul» darvozasiga ikkita gol urib, «chaykalar»ning g‘alabasini ta’minladi.
Endilikda tajribali hujumchi nafaqat Angliya oliy ligasidagi shaxsiy sermahsullik rekordini yangiladi, balki APL tarixida 35 yoshdan oshgan holda bir mavsumda 10 va undan ortiq gol urgan uchinchi futbolchiga aylandi.
Ushbu noyob natijani qayd etgan avvalgi futbolchilar:
-
Gari Makallister (1999/2000 mavsum) — mavsum davomida 11 ta gol urishga muvaffaq bo‘lgan.
-
Zlatan Ibrahimovich (2016/2017 mavsum) — bu boradagi eng yaxshi ko‘rsatkich sohibi. Shvesiyalik yulduz o‘shanda raqiblar darvozasini 17 bor ishg‘ol qilgan edi.
