Якшанба куни «Райо Вальекано» Ла Лига пешқадами — «Барселона»га қарши «Камп Ноу»да майдонга тушади. Ўйиннинг бошланиши Тошкент вақти билан соат 18:00 га белгиланган.
«Биз деярли идеал тарзда ҳаракат қилишимиз ва «Барса» ўзининг энг яхши футболини кўрсатмаслигидан умид қилишимиз керак. Шунингдек, хаёлимиздан «йўқотадиган нарсамиз йўқ» деган фикрни чиқариб ташлаш муҳим. «Барселона» устидан қозонилган ғалаба — бу мўъжиза эмас, бунга жамоавий иш эвазига эришиш мумкин», — дея Barca Universal нашри «Райо Вальекано» бош мураббийи Иньиго Переснинг сўзларидан иқтибос келтирмоқда.
Мадрид жамоаси турнир жадвалида 32 очко билан 14-ўринни эгаллаб турган бўлса, «Барселона» 70 очко билан биринчи ўринда бормоқда.
