Yakshanba kuni «Rayo Valyekano» La Liga peshqadami — «Barselona»ga qarshi «Kamp Nou»da maydonga tushadi. O‘yinning boshlanishi Toshkent vaqti bilan soat 18:00 ga belgilangan.
«Biz deyarli ideal tarzda harakat qilishimiz va «Barsa» o‘zining eng yaxshi futbolini ko‘rsatmasligidan umid qilishimiz kerak. Shuningdek, xayolimizdan «yo‘qotadigan narsamiz yo‘q» degan fikrni chiqarib tashlash muhim. «Barselona» ustidan qozonilgan g‘alaba — bu mo‘’jiza emas, bunga jamoaviy ish evaziga erishish mumkin», — deya Barca Universal nashri «Rayo Valyekano» bosh murabbiyi Inigo Peresning so‘zlaridan iqtibos keltirmoqda.
Madrid jamoasi turnir jadvalida 32 ochko bilan 14-o‘rinni egallab turgan bo‘lsa, «Barselona» 70 ochko bilan birinchi o‘rinda bormoqda.
