Винисиус Жуниорни ирқий камситган испаниялик жамоа мухлиси қамоқ жазосига ҳукм қилиниши мумкин.
2023 йилда «Рамон Санчес Писхуан» стадионида бўлиб ўтган «Севилья» ва «Реал» ўртасидаги ўйин вақтида мезбонларнинг мухлисларидан бири рақиб жамоанинг бразилиялик вингерини «маймун» деб атаган, шунингдек, маймун овозини чиқариб, ушбу ҳайвонларга хос ҳаракатларни кўрсатган.
Прокуратура суддан ушбу шахсни 1 йилу 9 ойлик қамоқ жазосига ҳукм қилишни сўрайди. Суд мажлиси 29 апрель куни бўлиб ўтади.
Озодликдан маҳрум қилиш билан бирга, суд айбланувчига икки йил давомида стадионларга ташриф буюришни тақиқлаши ҳам мумкин. «Севилья» клуби ушбу воқеа маълум бўлиши билан уни ўз аренасига киритмаслик тўғрисида қарор қабул қилган эди.
