«Манчестер Сити» марказий ҳимоячиси Рубен Диаш сон соҳасидаги жароҳати сабабли Англия лига кубоги финалини ўтказиб юборади.

«Шаҳарликлар» бугун Тошкент вақти билан соат 21:30 да финал доирасида «Арсенал»га қарши майдонга тушади.

28 ёшли футболчи сешанба куни Чемпионлар лигаси доирасида «Реал»га қарши ўйинда (1:2) танаффус вақтида алмаштирилган эди. Бунгача у АПЛнинг «Вест Хэм»га қарши баҳсида (1:1) захира ўриндиғида қолдирилганди.

Шу йилнинг бошида Диаш айнан сон қисмидаги жароҳат туфайли 8 та ўйинни ўтказиб юборган ва февраль ойи бошида сафга қайтган эди.

Диашдан ташқари, бугунги баҳсда «Сити»га бошқа ҳимоячилар — Марк Гехи ва Йошко Гвардиол ҳам ёрдам бера олмайди.