«Марсель» клубининг собиқ ярим ҳимоячиси Димитри Пайет 38 ёшида профессионал фаолиятини якунлаганини эълон қилди.

Хавбек ўз фаолиятини 2004 йилда «Эксельсиор» клубида бошлаган эди. У Франциянинг «Нант», «Сент-Этьен», «Лилль» ва «Марсель» клубларида, Англиянинг «Вест Хэм» ҳамда 2023 йилдан 2025 йилгача Бразилиянинг «Васко да Гама» жамоаларида тўп сурган. Пайет фаолияти давомида жами 744 та ўйин ўтказиб, 150 та гол урди ва 196 та голли узатмани амалга оширди.

Франция терма жамоаси сафида ярим ҳимоячи 38 та учрашувда 8 та гол муаллифига айланган. Шунингдек, Пайет Евро-2016 мусобақасининг кумуш медали соҳиби ҳисобланади.