«Манчестер Сити» сардори Бернарду Силва Лига кубоги финалида «Арсенал» устидан қозонилган ғалаба клубнинг узоқ муддатли истиқболи учун нима сабабдан муҳим бўлиши мумкинлиги ҳақида гапириб берди.
«Ғалаба нашидасини суриш имконияти — бу ажойиб туйғу. Ёш футболчилар: «Ҳа, биз бунга қодирмиз», деб тушуниб етишади. Бу клубимиз келажаги учун жуда муҳим. Мен жамоа билан фахрланаман ва ёш йигитларимиз учун хурсандман», — дея 31 ёшли португалиялик футболчининг сўзларини келтиради City Report.
Маълумот учун, Бернарду Силванинг ўзи мавсум якунида «Манчестер Сити»ни тарк этиши мумкин — унинг шартномаси шу ёзда ниҳоясига етади.
