Леверкузеннинг «Байер» клуби футболчиси Алехандро Гримальдо «Барселона»га қайтиши мумкин.
«Кўк-анорранглилар» спорт директори Деку мудофаанинг чап қанотини кучайтириш учун номзодлар қидирмоқда — журналист Альфредо Мартинеснинг хабар беришича, 30 ёшли испаниялик футболчи асосий вариантлардан бири сифатида белгиланган. «Доришунослар» юлдузининг шартномасида 20 миллион евро миқдорида товон пули кўрсатилган, бироқ келаётган ёзда футболчини арзонроқ нархга сотиб олиш имконияти мавжуд бўлиши мумкин.
Алехандро Гримальдо фаолиятининг бошида «Барселона»нинг дубль жамоасида тўп сурган, аммо асосий таркибда бирорта ҳам ўйин ўтказмаган. Ҳимоячининг «Байер» билан амалдаги шартномаси 2027 йилнинг ўрталаригача мўлжалланган.
