Leverkuzenning «Bayer» klubi futbolchisi Alexandro Grimaldo «Barselona»ga qaytishi mumkin.

«Ko‘k-anorranglilar» sport direktori Deku mudofaaning chap qanotini kuchaytirish uchun nomzodlar qidirmoqda — jurnalist Alfredo Martinesning xabar berishicha, 30 yoshli ispaniyalik futbolchi asosiy variantlardan biri sifatida belgilangan. «Dorishunoslar» yulduzining shartnomasida 20 million yevro miqdorida tovon puli ko‘rsatilgan, biroq kelayotgan yozda futbolchini arzonroq narxga sotib olish imkoniyati mavjud bo‘lishi mumkin.

Alexandro Grimaldo faoliyatining boshida «Barselona»ning dubl jamoasida to‘p surgan, ammo asosiy tarkibda birorta ham o‘yin o‘tkazmagan. Himoyachining «Bayer» bilan amaldagi shartnomasi 2027 yilning o‘rtalarigacha mo‘ljallangan.