«Челси»нинг ўнг қанот ҳимоячиси Жош Ачимпонг клубдан кетиш ҳақида жиддий ўйлаб қолди. Журналист Экрем Конурнинг хабар беришича, 19 ёшли футболчи етарли ўйин амалиётига эга бўлмаётганидан норози ва шу сабабли мавсум якунлангач, жамоасини ўзгартиришни режалаштирмоқда.
Вазиятни Германиянинг «Бавария» ва «Боруссия» Дортмунд клублари кузатиб бормоқда. Шунингдек, Англиянинг «Борнмут», «Ньюкасл», «Кристал Пэлас», «Тоттенхэм» ва «Вест Хэм» жамоалари ҳам футболчига қизиқиш билдирмоқда.
Transfermarkt порталида Жош Ачимпонгнинг тахминий нархи 25 миллион евро этиб белгиланган. Жорий мавсумда ёш англиялик футболчи «кўклар» сафида барча турнирларда 24 та учрашувда майдонга тушиб, ўз ҳисобига иккита гол ёздириб қўйди.
