Якшанба куни Мадрид дербиси бўлиб ўтди ва унда «Реал» «Атлетико»ни 3:2 ҳисобида мағлуб этди. Майдон эгалари Винисиус Жуниорнинг дубли ҳамда Федерико Вальверде томонидан киритилган гол эвазига ғалабани қўлга киритишди. Меҳмонлар таркибида Адемола Лукман ва Науэль Молина ўз ҳисобига гол ёздириб қўйишди.
«Матрасчилар»нинг бир йўла икки нафар футболчиси сариқ карточкалари сони бўйича лимитга етди ва келгуси турда «Барселона»га қарши кечадиган баҳсда дисквалификация сабабли иштирок эта олмайдиган бўлди — гап Жонни Кардозо ва Маркос Льоренте ҳақида бормоқда. Кардозо дербининг 27-дақиқасида огоҳлантирилган бўлса, Льоренте 68-дақиқада сариқ карточка олди.
«Атлетико» ва «Барселона» ўртасидаги учрашув терма жамоалар ўйинлари сабабли юзага келадиган танаффусдан сўнг, 4 апрель куни Мадридда бўлиб ўтади.
