Мадриднинг «Реал» клуби ярим ҳимоячиси Федерико Вальверде дербида «Атлетико» дарвозасини ишғол қилди.
Уругвайлик футболчи учрашувнинг 55-дақиқасида гол уриб, «қаймоқранглилар» фойдасига ҳисобни 2:1 кўринишига келтирди. Бу ярим ҳимоячининг сўнгги ўнта баҳсдаги еттинчи голи бўлди, шунингдек, унинг ҳисобида учта голли узатма ҳам бор — демак, кўрсатилган давр мобайнида у жами ўнта самарали ҳаракатни амалга оширган.
Бундан аввал Федерико Вальверде Чемпионлар Лигасида «Манчестер Сити» дарвозасига хет-трик қайд этган, шунингдек, Испания чемпионатида «Эльче», «Сельта» ва «Реал Сосьедад» жамоаларини биттадан гол билан «жазолаган» эди.
