Афсонавий футболчи Роналдо Неймарнинг Бразилия терма жамоасидаги истиқболлари ҳақида ўз фикрини билдирди.
«Сантос» ҳужумчиси Франция ва Хорватияга қарши бўлиб ўтадиган навбатдаги ўртоқлик учрашувлари учун қайдномага киритилмади. Бироқ, Роналдонинг сўзларига кўра, 34 ёшли Неймар Жаҳон чемпионатида бразилияликларга асқатиши мумкин.
«У фойдали ўйинчи бўла олади. Эҳтимол, у барча учрашувларни тўлиқ ўтказмас, лекин техник жиҳатдан у жуда муҳим ва қаерда ўйнамасин, ўз маҳоратини исботлаб келган», — дея Роналдонинг сўзларини келтиради CNN Brasil.
Жорий мавсумда Неймар «Сантос» сафида бешта ўйинда иштирок этиб, учта гол ва иккита голли узатмани амалга оширди.
