«Барселона» ярим ҳимоячиси Марк Берналь ушбу мавсумда қайси мусобақада ғолиб чиқишни афзал кўриши — Ла Лигами ёки Чемпионлар лигасими, деган саволга жавоб берди.

«Сўзсиз, Чемпионлар лигасини. Мен ўтган мавсумда Ла Лигада ғолиб чиқишга улгурдим. Жамоамиз Чемпионлар лигасида зафар қучишимизга ишонади. Ушбу турнирдаги ғалаба ҳақиқий жиннилик бўларди», — дея Берналнинг сўзларидан иқтибос келтиради Barça Universal.

Маълумот учун, 18 ёшли Берналь жорий мавсумда барча турнирлар доирасида 27 та учрашувда майдонга тушиб, ўз ҳисобига 5 та гол ва битта голли узатмани ёздириб қўйди.