Мадриднинг «Атлетико» клуби «Арсенал» ҳужумчилари Габриэль Мартинелли ва Габриэль Жезуснинг ҳолатини диққат билан кузатиб бормоқда. Бу ҳақда TEAMtalk нашри хабар бермоқда.
Мавжуд маълумотларга кўра, Испания клуби ҳар икки футболчининг ҳаракатларини кузатмоқда. Жезус ва Мартинеллига, шунингдек, Саудия Арабистони ва Европанинг бошқа клублари ҳам қизиқиш билдиришмоқда. Айтилишича, агар клубнинг молиявий талаблари бажарилса, «Арсенал» ҳар икки ўйинчи билан хайрлашишга тайёр.
Габриэль Жезус жорий мавсумда АПЛ доирасида бор-йўғи иккита ўйинни асосий таркибда бошлади. Габриэль Мартинелли эса 25 та учрашувнинг 16 тасида захирадан майдонга тушди.
