«Манчестер Юнайтед» ярим ҳимоячиси Каземиро фаолиятини А Серияда давом эттириши мумкин.

Globo Esporte нашрининг хабарига кўра, Миланнинг «Интер» клуби бразилиялик футболчини ўз сафига қўшиб олишга қизиқиш билдирмоқда ва аллақачон 34 ёшли ўйинчи билан ёзги трансфер бўйича музокараларни бошлаган. Каземиро эса ўзига қизиқиш билдираётган жамоаларга келажаги борасидаги якуний қарорни фақат шу ёзда бўлиб ўтадиган Жаҳон чемпионатидан сўнг қабул қилишини маълум қилди.

Каземиро 2022 йилда «Реал»дан «Манчестер Юнайтед»га 70 миллион евро эвазига ўтган эди. Шу ёзда бразилиялик футболчи «қизил иблислар» билан шартномасини узайтирмаслиги сабабли эркин агентга айланади. Жорий мавсумда ярим ҳимоячи «МЮ» сафида 30 та ўйинда майдонга тушиб, 7 та гол урди ва 2 та голли узатмани амалга оширди.