«ПСЖ» ҳимоячиси Ашраф Ҳакимийнинг агенти Алехандро Каманьо мижозига «Реал» томонидан қизиқиш бўлаётгани ҳақидаги миш-мишларга муносабат билдирди.
«Унинг «ПСЖ»ни тарк этишига мутлақо имконият йўқ. Ҳакимий клубда жуда бахтли ва иккинчи бор Чемпионлар Лигасида ғолиб чиқишни истайди. Шунингдек, у жамоани иложи борича юқори даражага олиб чиқиш ниятида. Бундан ташқари, Мадриднинг «Реал» клуби томонидан унга ҳеч қачон қизиқиш бўлмаган», — деди Каманьо AS нашрига берган интервьюсида.
Ашраф Ҳакимий «Реал» тарбияланувчиси ҳисобланади. Марокашлик футболчи 2021 йилда «Интер»дан «ПСЖ»га 68 миллион евро эвазига ўтган эди. Унинг парижликлар билан шартномаси 2029 йилнинг 30 июнигача амал қилади. Жорий мавсумда ҳимоячи «ПСЖ» сафида барча турнирларда 24 та ўйинда майдонга тушиб, 3 та гол урди ва 7 та голли узатмани амалга оширди.
