«Бавария» вингери Майкл Олисе яқин келажакда сотиб юборилиши даргумон. Франциялик футболчини мунтазам равишда «Ливерпуль», Мадриднинг «Реал» клуби ва бошқа топ-жамоалар билан боғлашмоқда, бироқ трансфер эҳтимоли жуда паст кўринмоқда.
«Биз бундай миш-мишларга вақт сарфламаймиз. Олисе — «Бавария» футболчиси ва бу ерда унда топ-футболчилар орзу қилиши мумкин бўлган ҳамма нарса бор. Майклнинг шартномаси 2029 йилгача амал қилади ва унда товон пули ҳақида ҳеч қандай банд йўқ, шунинг учун биз хотиржаммиз», — дея «Бавария» спорт бўлими раҳбари Макс Эберлнинг сўзларини келтирмоқда Bayern & Germany.
Майкл Олисе Бундеслига гранди сафига 2024 йил ёзида Англиянинг «Кристал Пэлас» клубидан келиб қўшилган эди. Transfermarkt талқинига кўра, 24 ёшли юлдузнинг бозор қиймати 140 млн еврони ташкил этади.
