Бразилия терма жамоасининг собиқ ҳужумчиси Роналдо Неймарнинг баҳорги ўртоқлик учрашувлари қайдномасига киритилмаганига изоҳ берди.
«Сўнгги пайтларда Неймар жиддий жароҳатларга дуч келди, аммо агар у яхши ҳолатда бўлса, мен уни ЖЧ-2026 таркибига киритган бўлардим. У барча ўйинларни тўлиқ ўтказмаслиги мумкин, лекин техник жиҳатдан у жуда муҳим ўйинчи ва ўз қийматини ҳар бир клубда исботлаган.
Умид қиламанки, у спорт формасида бўлади ва Анчелотти учун тайёр туради. Ишончим комилки, агар Неймар тайёр бўлса, Анчелотти уни Жаҳон чемпионатига олиб боради», — деди Роналдо. Унинг сўзларини AS нашри келтирмоқда.
Аввалроқ, Неймарнинг ҳаракатлари Бразилия футбол федерациясининг ҳафсаласини пир қилгани ва унинг Жаҳон чемпионатига бориш имкониятлари жуда паст эканлиги ҳақида хабарлар берилган эди.
